الوداع *&* الفراق

[~] سـاعـة وداعـك [~]

يـامن وداعه كنّه موادع الروح
لو هو بكيفي عنك ما اروح ساعه

ساعة وداعك دمع الأعيان مسفوح
منك وعليك من المحاجر ضياعـه

الحب يجبر يا حبيبـي على البوح
والشوق يفقد في القلوب المناعه

ألعي كما تلعي الحمامه على الدوح
ولا ألوم قلبٍ ما ضرى بالقطاعـه

سافرت قلبـي بين الأضلاع مجروح
يـا غـاليٍ لرضاه سمـعٍ وطاعـه

إن غبت انشفت عيوني على النوح
مـن حيث والله ما تحمـل وداعـه

* ~ * ~ * ~ * ~ *

[~] الفراق الهادي [~]


حاول وحاول .. يصير أفراقنا هادي
الله عطـانا العـقـل حتى يعــينا

خل المقادير تمشي مشيها العادي
في عمرنا يفعل الله مانوى فينا

مافادتك دمعتك .. ماينفع عنادي
لاصار ربي حرمنا .. من بيعطينا

فرقا وصارت ولاتحزن على أبعادي
وأنا بحاول على نسيان ماضينا

ونبدأ حياة جديدة كلن بوادي
ياحسرتي ياغرام ...عشته سنينا

ياوحشه الليل .. في بعدك بلا رقادي
ويا طوله اليوم ماشفتك ولو حينا

* ~ * ~ * ~ * ~ *