بعض من اصدقائي الحقد ... بيهم
يخلون الكلب مجروح ... بيهم
اريد اتركهم وآخذلي ... بي هم
كامل مواصفات
================
زعلت وآآنه من البيت ... طالع
لان شيبي صفه بالراس ... طالع
كلت للحزن انت اليوم ... طالع
بالثلاث
===============
تحدّه انت الزمان واكل ... تكه
وجكاير دخن بكل يوم ... تكه
وصير لكل درب يهواك ... تكه
مالقطار
=============
حبيب الي كضب وياك ... هدله
واذا شفته وكع بالضيك ... هدله
يردلك بالفرح ينطيك ... هدله
مالعرس
==============
عداوات الوكت وياي ... عادن
وعليه افلام يابه افلام ... عادن
بطولة يسرى هم وياهه ... عادن
امام
==============
مر بيه حبيبي ولو ,,, بالطيف
ولاعبني بحنان وشوك ... ولطيف
اذا شفتك ونه بتموز ... والطيف
ابرد
=============
بحر حبك اعبره بفقط ... قارب
وعلى كلبي كليبك ولك ... قارب
اعجبك وآآنه عندي شلون ... قارب
ولحيه
===========
غشيم الكلب والشيطان ... وزه
وعلي تاهت البطه من ال ... وزه
يكلبي امشي ودخلي انجيب ... وزه
وجاجيك
==============
الك بالعين يا المحبوب ... عبره
وعلى درب العشك بيديك ... عبره
اكلت اليوم يمه شلون ... عبره
ماللحم
عراقي للأبد ..
عطر محبوبي لمن فات عطلة
ولون كلبك يخونك يوم عطلة
جمعة وسبت خوش تصير عطلة
ملح
كضن ذيج اليالي وياك تمن
وابد للخان مرة وياك تمن
زرعت خيار تالي يصير تمن
يروح البيتهم
حبيبك لو يمرك يوم حية
وسواليفك بكلبي تعيش حية
حبيبك ليش صار وياك حية
لو بريجو
حبك بالكلب لليوم بعدة
وصديق السوء عنك دوم بعدة
يوم الجمعة شنهو يصر بعدة
لو بنكرياس
حبيبي افرح بشوفك دوم وسعد
ويريت بايدي افرح الناس وسعد
جميل اليوم اجاني ونوح واسعد
فوك للسطح
عجز جدمي يصاحب كَوم وجلاي
ومظن يبرن جروح احشاي وجلاي
مر الماي احس بعداك وجلاي
وصرت للناس مثله لكل بليه
...........................
يخايب مثل مبجي عليك بجلاي
وصفنتي عليك صفنت ميت بجلاي
لون جرحين ثلث جروح بجلاي
طبت لاجن الف دولاب بيه
...........................
عساني لاصبّح صبحي ولامساي
حزين وما فرح يومي ولامساي
صرت ماوجد بشوفي ولمساي
تساوه النور والظلمه عليه
.........................
يدنيه بلظى جمرج كَلي بينا
وعلى هموم الليالي كَلي بينا
دذبحي بسيف ظلمج كَلي بينا
بقيت السيف انمى اعله الوطيه
.........................
يدنيه بسيف غدرج حاربينا
وفضاج امن المصايب حاربينا
سلب طبعج مزايا حاربينا
ويعير ابن الزواني بكل مزيه
.........................
عجيبه الدنيا هاي شلون دنيا
وعجيبه نفوس اهلها شلون دنيا
يساعتها دعجلي وبعد دن يا
جرسها وتحتركَ هاي الدنيّ
زماني يمشي وياي بالعكس ولك دار
وشفت فرحه بكد ما شفت اكدار
الك مسكن وسط قلبي ولك دار
عزيز ويصعب افراكك عليه
يدرسني زماني ادروس ونسه
وشفت ضيم بكثر ما شفت ونسه
انا الجنت للاحباب ونسه
صرت منسي ومحد يمر بي
ــــــــــــــــــــــــــــــــــــــــــــــــــــــ
شلونها هاي الابوذيات؟