GHOST~RIDER مديــر عــام
عدد المساهمات : 586 عدد النقاط : 6132 العمر : 30
بطاقة الشخصية لعب الأدوار:
| موضوع: ابوذيات الأحد يناير 31, 2010 3:26 pm | |
| يفر كلبي كبلك اه لوصاح وتهت سكران انه بيك لو صاح غلط حبي الك معرفت لو صاح حبيتك انه لو البلوه عليه ــــــــــــــــــــــــــــــــــــــــــــ تعبني الهجر ياخوي بس بس ومن باذنك على الهجران بس بس جنت تركض من اصيح بصوت بس بس تخوني وتضحك شامت علية ــــــــــــــــــــــــــــــــــــــــــــ انا بعدك يا كحيل العين ساليت وعلى هجرك كل البشر ساليت دماي بدل دمع هاي ساليت تبجي وتنتظر ساعات المنية ــــــــــــــــــــــــــــــــــــــــــــ قلب صافي اذا تريد (كلبنه) وابدمااليوم عالصاحب كلبنه احنه ضلوع الك وانت كلبنه ونبض كلبك يرد روح اليه ــــــــــــــــــــــــــــــــــــــــــــ الك بايع دليل وانتحر بيه اموت انا بجمالك وانتحر بيه وافجر كلمن يحبك وانتحر بيه لأن حبك مخصوص بس اليه ــــــــــــــــــــــــــــــــــــــــــــ اتا دهري وزماني رماني سموم بسكوك واون ون الطفل لو راد بسكوت مدينة وما حات ليه بسكوت لان موطن حبيب روح اليه ــــــــــــــــــــــــــــــــــــــــــــ لون تنسون حبكم منسحبة وباقين اعلة حبنة منسحبة مثل امبيـر حبك من سحبة الف امبير حبك صار بيه ــــــــــــــــــــــــــــــــــــــــــــ يا كلبي الي تحبها رابطلها وحرز بالروح صدك رابط الها انة الشاعر واسوي رابط الها واخلي اهل الشعر تحتار بيه ــــــــــــــــــــــــــــــــــــــــــــ دمع واحزان حبك هيج اذاني والك مجبور اكضلك هيج اذاني تدري انا امن اصلي هيج اذاني اشهد اني احبك مو بيدية ــــــــــــــــــــــــــــــــــــــــــــ شما تبعد يغالي التفت لوراك وخل قلبك جلد عالضيم لوراك ناذر نذر يوم بيه لوراك لطش عمري على راسك واهلية ــــــــــــــــــــــــــــــــــــــــــــ مجنون بمحَبتك هايم اني صدَك نكعد ونحجي هايم اني واذا تلكاني يمك هايم اني هياي الروح فرت من اديه ــــــــــــــــــــــــــــــــــــــــــــ التطلَبه مني يصير بلفور طفيلي وادري بيك تموت بلفور يهودي ومن تواعد وعد بلفور ــــــــــــــــــــــــــــــــــــــــــــ نحيل جسم من بعدك تراني واريدك دوم بعيونك تراني افكر بيك كل لحظة تراني واسالك هم تفكر دوم بيه ــــــــــــــــــــــــــــــــــــــــــــ طبعك مو شجي وكتلك شجاني؟ اشجنيت!وياك بس كلي شجاني امس جنت انحضن وانشم شجاني قنفذ والحظن حصرة علية ــــــــــــــــــــــــــــــــــــــــــــ حبك بالضلع بسمار مندك وحس كلبي يسولف بيك من دك كمت اركض عالنقال من دك لان ادري عزيز اتصل بيه ــــــــــــــــــــــــــــــــــــــــــــ ابد مايرحم طايح وكتنه جمعنه ورجع طشرنا وكتنه اصيح عالفرح اوكف وكتنه تركني وما سمع ورد عليه ــــــــــــــــــــــــــــــــــــــــــــ تهنا بديره الغربه وضعنا وهاي الناس ماتعرف وضعنا نخيت الحمل اطفاله وضعنا يجمع شملهم وياهم سويه اتمنى ــــــــــــــــــــــــــــــــــــــــــــ وكع كلبي بغرامك مات شيله وترى كلبي تعذب مات شيله اخابر وانت تسمع وماتشيله وينك ياحلو بس رد عليه ــــــــــــــــــــــــــــــــــــــــــــ احبه وما احب واحد بدالة ويا ذنب البدة مني وبدالة الك منصوب بكليبي بدالة خطك على النبض يشتغل بية ــــــــــــــــــــــــــــــــــــــــــــ روحي ما اكطع وصلها وتفرح لو خبر منك وصلها وتفرح لو خبر منك وصلها نسبها دورت عنه اصلهه لكيته يعود الك مايعود اليه ــــــــــــــــــــــــــــــــــــــــــــ اشوف الظلمة بعيونك تراضه وبالعب يوم فركاكم تراضه عوف الزعل كافي نتراضة ونعيد ايامنا الحلوة سويه ــــــــــــــــــــــــــــــــــــــــــــ الك دمعي حسبته وجريتة والك كل عملة والجريتة والك عمري شعلتة وجريتة حتة اشويلك اسنيني ابادية ــــــــــــــــــــــــــــــــــــــــــــ احس كل البشر ماله حك بيك وحك الطيب الزرعتة ومالحك بيك الكلب ملهوف مالحك بيك رغم كل شي انته قريب عليه ــــــــــــــــــــــــــــــــــــــــــــ
يلا شباب محتاج رايكم اول موضوع | |
|
عاشق الورد عضــومشــارك
عدد المساهمات : 56 عدد النقاط : 5289 العمر : 33
بطاقة الشخصية لعب الأدوار:
| موضوع: رد: ابوذيات الثلاثاء فبراير 02, 2010 6:18 am | |
| اههههههههههههههه اشي حلو ونايش شكلو فايق ورايق الى مألفها بس هل القصيدة فيها سر اقرأ اخر كلمة من كل اخر شطر رح تطلع معك جملة صاح بس سالت كلبه | |
|
GHOST~RIDER مديــر عــام
عدد المساهمات : 586 عدد النقاط : 6132 العمر : 30
بطاقة الشخصية لعب الأدوار:
| موضوع: رد: ابوذيات الثلاثاء فبراير 02, 2010 6:23 pm | |
| ههههههههههههههههههههههههه عفوا | |
|
لوتس عضــومشــارك
عدد المساهمات : 67 عدد النقاط : 5248 العمر : 37
بطاقة الشخصية لعب الأدوار:
| موضوع: رد: ابوذيات الخميس أبريل 29, 2010 8:06 am | |
| | |
|
GHOST~RIDER مديــر عــام
عدد المساهمات : 586 عدد النقاط : 6132 العمر : 30
بطاقة الشخصية لعب الأدوار:
| موضوع: رد: ابوذيات الجمعة يوليو 09, 2010 10:53 am | |
| | |
|