شارع الحب(شعر عراقي)

شارع الحب
ــــــــــــــــــ
هاك ورقة ياس روحـــــي
إمكـَسَرَه إويـِنفـَح عِطِـــــــــــرها
والله دُرَة بَحَر روحي
بَس ثِجيلـَه إوبَحَر شوقـَك ماقِبَلهــا
روحي تِمشي إعلى الطِواري
إوتاهَت إبدَرب إلسِلـَبـهـــــــــــــــا
وانته ياصايود روحي
إبحرقـَه سَهمَك شو هِشَلهــــــــــــا
كابَرَة دوم إعلى بُعدَك
بَس حبيبي إلشوق قِوَه إبراس شارِعكم شِتـَلها
هذا طـَبع إلروح لوحَبَت تِهوي
إويطفـَه عيني إصبيها لو خـَلـَص وَشِلها
إلحب حبيبي إمحاكَه ليل إوحِلِم وردي
إلحب شِجون أودَمعَة إمسافِر يـِهِلهـــــــا
إلحب حبيبي إملاقـَه صِدفـَه
إمشابَق إم غـَرقان لو طـَفـَح طِفِلهــــــا
روحي داسَت ليلـَك إو وِضح إلنـَهار
إوكُفرَة إبطاري إلنـَصيحَه إوكِلمَن إتمادَه إووِشَلها
انته ماتِدري يالموذر القلب
عيني مامَرها الكِحِل عيني بَس رَسمَك كِحِلهــا
إومِن تِصِد عيني إعلىَ عينـَك
تِسها بيك إبحَوَر عينـَك تِذبَل إويـِخذِف رِمِشها
والله إغار إعليك حتى إمن إلمِشط
وأبغي بيدي إلكِذلـَه يَمدَلـَل نـَسِلهــــــــــــــــا
حيل شَدني إلشوق طـَوَلنا إلمَسير
خـَل عِشِقنا إبروح وِحده إيلـَملِم إو يـِجمَع شِمِلها